Pengawa Oh Pengawa

Geli ati maca surat karan bala kaban pagi to tadi....ngelama to bisi aja jerita dalam surat karan..kadang-kadang sampai jem pc laban kelalu mayoh mesej datai....

Dalam pun taun to bala ta senyap magang....laban semua kelalu sibuk ngau pengawa diri empu....

Ngagai bala kaban ka sibuk....anang kelaku stress...engai ka jampat tuai...moa engkedut....

Ngigat ka kita, ngigat ka aku empu mega....

Niki Buah Dabai

Taun to mina sepun aja dabai kami bebuah...nya pan enda lebat laban enda tantik ka mansau alu diempa burung....tiap taun meh bakanya...dulu agi bala burung tiong makai.

Nasib tudah girl misi bisi pulai pemisi seminggu, enti enda pia enda ampin tudah tuai buah dabai. Antara sida empat iko menyadi, nunut meh ka paling ka makai buah dabai, engai enda murih ka papa ya.  Enti bisi buah dabai biar enda ditegu ya sida lauk bukai....alu dabai nya aja meh kelauk engau asi.

Dah tembu ngumbul buah dabai, kami mupuk ngai kebun ba bukit...rindu ati meda sida buah entekai baru belangu, alu musil buah cabi, nebang buah pisang, matah kantok entekai.  Lauk kami lemai nya lauk kampung magang...