Nunut Nerima Anugerah 2012

Pagi tadi minta cuti setengah ari, nyau ngalih ka lemai baru gawa......pagi bisi ngau nunut ngagai sekula laban ka nerima sijil “anugerah cemerlang”....pengawa meri sijil ngagai bala nembiak sekula digaga setiap tahun....Puji Tuhan, sekumbang nunut ti besekula bepun ari ia tadika suba datai ka ia udah primary 5 taun to, ukai ka bejako tinggi, sigi setiap taun meh tudah nerima sijil.

Taun to bisi nerima “Anugerah Murid Harapan” tudah, benong cikgu / emcee maca biodata tudah, asai enda alah tat ka ai mata ka labuh laban berasai terharu engau pencapaian tudah setakat to.....dalam hati besampi ngambi ka nunut mujur dalam pelajar alu maintain ka prestasi tudah datai ke peringkat ka lebih tinggi agi.....Anugerah Murid Harapan mina diberi ngagai siko pelajar indu engau siko pejalar laki aja setiap taun, sema prestasi seduai to mujur datai ka seduai darjah 6, seduai bisi peluang nerima Anugerah Tokoh Pelajar....

Tembu nerima sijil, bisi mega ngau bala geng gaga persembahan.

Ngambi ka nuan sucess anak ! Nyadi urang beguna tang anang enda ingat ka apai indai, aki inik, bala menyadi, kaban belayan, bala kawan, bala pengajar....udah berjaya jemah ila anang ninggi kediri ! Nya pesan mami ngau papak...kingat ka belama serta meri Puji Ngau Terima Kasih ka Tuhan ketegal Kuasa Ngau Berkat IA.

Lymphoma Cancer????????

Lymphoma is a type of cancer that begins in immune system cells called lymphocytes. Like other cancers, lymphoma occurs when lymphocytes are in a state of uncontrolled cell growth and multiplication.

Lymphocytes are white blood cells that move throughout the body in a fluid called lymph. They are transported by a network of vessels that make up the lymphatic system, part of the immune system. The lymphatic system - whose job it is to fight infections or anything else that threatens the body - is also comprised of lymph nodes that exist throughout the body to filter the lymph that flows through them. The lymph nodes swell and tenderize when a large number of microbial organisms collect inside of them, indicating local infection.

Aku enda entu mereti ka article ti digoogle aku di atas nyin...tang perkataan Cancer udah ngasoh ati kesal....amai labuh hati udah aku nerima berita dalam pukul 3 lemai kemari.....nyau ka setengah taun tudah kaban aku nadai ngirim sms / talipaun madah ka rita diri, ta mukai-mukai lemai kemari nganjung sms ka aku nanya ka berita.Apooo pia ko aku, kini tuju nuan lama enda bebunyi, aku nganti nuan kuntek aku pia ko tudah......aku ukai engai kuntek nuan ko aku, aku ngadang nuan sibuk pia ko aku nyuat...

kaban aku to udah mindah ngawa laban nitih ka laki tudah ka nyadi pengajar di kuching, tambah mega seduai udah meli rumah dedin, lalu tudah berunding ka nambah ka bala "rakyat" laban bisi indai ia ngibun...maya sidak sebilik mindah ari tu suba, anak ia mina 2 iko aja, siko laki, siko indu.  Ia ka laki baru darjah 1, ia ka indu baru 4 taun enti enda salah aku.....

Udah bertambah bala rakyat nuan, ko aku balas sms ia......."nadai betambah, enda akan bertambah, aku diato benong sakit, aku ngidap kanser lymporma stage 4, aku baru tembu kimo, to cycle ke 2"........nyau ka manjung aku maca sms tudah....asai ka dalam mimpi.....selemai-lemainya sambil aku bersms ngau tudah air mata aku sigi enda rangkai....."berat aku diato dah susut ngai 37kg aja, ko ia"

ke penudi kami duai bekuntek dalam pun bulan 3 to kemari, tudah mai aku sama-sama nyambung belajar ngambi master, tang aku bedau nyangup laban bedau besedia.....sinu amai ati aku ngenang enti udah ingat ka ia keran ka nyambung belajar......nyau enda nemu bejako agi.......................

Pengawa ujung minggu

Apooooo......nyau enda ingat ka password kak tama ke ruai EKI....nguji ngapa tadi...tekan segapa meh keyboard....kurrr semangat..ulih tama.

kena ngidup ka ruai....deka bekunsi jerita ka bedau lama...kami menyanak enti ujung minggu sigi nadai pengawa bukai....din meh bala kami menyanak sampal di kebun, ngereja utai di kebun....

kebun enda besai, munyi ko sempama laut "kekangkang kera". semadi ngau urang ngeruh ka ai betanam ka sawit.....

Bala anak mayoh agi ka dugau-dugau, nepis nyamuk ke beteraung...nyampau meh nemu gawa berat.

Kami duai mak ngupas pun kecalak, sekali tetebas ka sarang penyengat, nyau ka luput ngelari ka diri........akai-akai....

Pun dabai to sigi setiap taun bebuah, tang meh enda lebat, umbas meh ke dempa kami sebilik, semadi ka meli....udu mar nga rega buah dabai...enti sema bisi mayoh pun....sigi beduit amai maya buah dabai bebuah....rega sekilo ari RM36.00 ke atas....mayoh pun dabai tanam niang aki ngau ini, tang bala "lanun" ka bumai ba tanah kami to suba, laban bai ati jai / kepapas ngau menyadi diri, berapa pun kena tunu....cis begedi enti ngenang kisah "lanun" 2 iko nya...

To pun buah kakus (spesis mata kucing), lebat mai tudah pun kakus to bebungai taun to....

Sempat begiga ka tubuk, sampai nganti ngetu tengahari, indai Sepin, kaban mak aku tu sempat nesap tubuk, laki tudah nyin seberai benong ngibun pangang deguk babi.....

Urang nyambut hari Merdeka kami menyanak di kebun, tu utai ka nyelai...pisang udah ditebang kati tau mansut ka buah? Engka tu kumbai urang "pisang bebuah dua kali", tang utai ka ngasoh nyelai pisang tu suba alu bedau kala bebuah??????

Indu Baru

Entah...aku enda meh ingat ka nama anak menjadi aku to....asai ka Leticia.....ada kena 7 Julai 2012....to anak ya ka nombor 3....Indu Baru!...kati enda?  ka tuai suba indu, ka no. 2 indu......to kumbai kami lelaki tang pansut meda indu ga.....

Kemaya meh aku to bulih uchu laki....pia ko mak aku.....7 dah uchu aku...indu magang- magang....ha ha nadai ko ngau meh....aku tucum aja ninga mak aku sebana....

To gambar Leticia genap umur ia sebulan sarinya...aku pan alu bedau meda ngau moa mata aku empu....bisi runding kami ka nemuai ngai sida ka KK kin pemisi Hari Raya to tang alu bedau konpom laban mayoh pengawa kebun bedau dikerja....

Amazing Photos

Hellowwwww semua......lama enda ngabas ruai.....lelengau bisi tang tulang ngelusu nungkun ka api......

Nadai bisi jerita jelaie tang mina deka bekunsi gambar ti dipinta aku ari kaban aku ka baru pulai raound ari Semporna, Sabah....

Kaban aku to kira orang ka "pemisi", hobi tudah bertukar tiap 2 3 taun...suba minat main serta ngumpul bilon kontrol...berpuluh ribu duit dibelanja kena meli bilon kontrol.......udah tudah boring...alu ngetu......dah nya gila ngau urang betupi ka ikan "flower hon"......beribu ga duit tudah dibelanja kena bebeli ka anak ikan serta aquarium....keba rumah tudah nadai dipeda dinding...penuh ngau aquarium.....macam udah hobi kaban aku tu betukar ganti.....

2 3 taun hobi tudah raound, mayoh endur udah digagai tudah....tang meh tiap kali raound.....aku to meh ka sibuk cek in online ka tudah....keba nadai malu-malu minta beli ka ole-ole......

Kali to tudah raound ngagai sebelah pulau di Semporna, laban hobi ia serak to ngambi ngambar....."enti nuan tetemu ka perkampungan Bajau....anang enda ngambi gambar", pia ko aku....enda iboh nuan meli ole-ole cukup ngau ngambar bala anak Bajau pia ko aku baru.....

Mayoh ngambar serta video clip di transfer tudah ngai pen drive aku...tang mina ulih berkunsi sekeda ngambar to aja laban tulang ngelusu downsize kelalu mayoh ngambar...

Rindu ati meda gambar-gambar to alu tau ngasoh kitai berunding.....kitai sepatutnya bersyukur ngau pengidup kitai ngau pemisi kitai......mayoh agi mensia di dunia to ka idup dalam serba kekurangan....................

Pengawa sepanjai bulan 6

Nyau ka sebulan tudah aku nadai tama belug....

Deka bekunsi jerita bala kami menyanak sepanjai bulan 6 to.

Laban ka nadai ngau urang begawai.....kena 2hb 6 kami santai-santai di kebun.

Kena ka 8hb 6 kami menyanak bisi nemuai ngai bintulu, ngam sarinya ari pengada nunut, bisi surprise laban bisi birthday cake dibeli antie lilut ngau uncle alex ia....

Birthday nunut / Jeanette ka 11 tahun

Pagi udah ngirum padi di pasar bintulu, kami singgah ba kubur niang apak.

Pulai ari kubur kami alu bebai ngai kebun ipar aku, bala anak gaga amai ati laban ba tengah kebun buah ipar aku nya bisi air terjun....

Kena ka 25hb 6 kami bisi udah meresa tanah, cikgu ka berembai tanah ngau kami benong nyungkor tanah tudah, nyadi tudah tuai ngasoh kami meresa tanah engai ka ngerampit entera ko ia...udah meda tanah kia, kami duai papa nunut alu berunding ka ngereja ka tanah dia, mupuk mupuk ngau urang betanam.

Selamat Gawai

Sari to 30hb 5, upis berasai sunyi laban mayoh kitai bansa udah belaboh cuti Gawai...sinu ngenang tudah aku kediri-diri seilu-ilu agi gawa....taun to baka taun ka udah sigi enda ngambi cuti gawai, penudi ya aku ngambi cuti gawai taun 2009 suba., taja pia bisi ga udah ngudar kek sigi 2 ari kaban laut..engai ka bisi bala tesat., engai nyadi enda diasoh tama....

Kami to rumah panjai bisi tang meh nyau ka 3 taun enda diani, udah ka kes 2 iko “penyamun” ngerebut tanah temuda bagi mak, kami alu nadai ati ka ngani rumah panjai......nyau nyadi sarang cit bilik kami dedin...ujung minggu leboh ke kebun sigi pansa lalu aja...diato bala di rumah panjai udah nyungkur tanah kena niri ka rumah panjai baru...kami sigi abis ati enda nampung.....sebedau nya suba rindu enti begawai di rumah panjai meda bala anak begagai di ruai...meda bala anak petungal pulai pemisi magang...bilik kami sigi endur sida begelumu enda ngira ka agi nembiak tauka ka udah dara bujang....enti udah pulai sigi enda rangkai jari...berapi, bebasu serta ngintu pemakai bala ka enda putus-putus tama bilik...Cukup pemedis ati enti ngenang penyai penyamun 2 iko ko aku nya.....nya pan enti urang bukai enda ngawa to agi saum darah munyi ko jako...cukup jai mensia...tang mak selalu madah, ingat ka Petara aja....ahhhhh naka meh pemedis ati tang engai kelalu ngenang....ngerusak untak ngapa!

Taun to girl misi kami nadai pulai pemisi, nyadi Joanne keran ka ngau tudah di Kuching maya cuti gawai to...lemai 28hb kami nganjung anne ke airport....irau ga ati laban to terubah ia tudah anne aku nepan bilun kediri....udah ga flight airasia delayed, datai di kuching nyau ka tengah malam tudah..

Nyadi taun to apak mai kami menyanak belajai sambil ka nemuai ngagai indai tuai/antie aku di Kelitang....lama kitai nadai nemuai kin pia ko apak, nama enda rita sida ko ia......sigi amai lama kami enda nyenjuk indai tuai aku kin, musim buah ngasoh nemuai balama meh sida tang tusah ngelimpang kediri....tau ga pia ko kami duai papa nunut....nyau tetengok ka makai jani menoa/jani tupi....tiap taun sigi munoh jani belama sida indai tuai aku to laban sida sigi bisi nupi jani. Niang ini aku suba asal ari undop tang maya Jipon suba pindah ka kelitang....mayoh bala dedin tang aku enda entu ngelala...

Besebut ka jani menoa.....enti gureng rangkai engau kicap, cukup meh nyamai...makin lama makin nyamai agi.....ka makai tanak dulu ngambi ka minyak ia nyau....munyi ko jako enti disua ka urang jani gureng kicap lauk bukai sigi enda diperening.....

Ngau peluang to aku deka meri Selamat Gawai ngagai semua bala pangan, bala kaban ti jauh tauka semak...Selamat Hari Gawai Gayu Guru Gerai Nyamai.....

Malam Bollywood

Pengeran ati deka bekena ka gari baka pelakon hindustan tercapai demalam.  Keba seminggu 2 to enda bebunyi laban ka sibuk enggau pengawa ngurus ka staff nite taun 2012 to.  Taun to pengawa staff nite digaga tumu laban bekenang ka bisi pengawa sports carnival ti ka digaga dalam taun to mega. Udah ga bala kaban laut kitai deka puasa dalam pengujung bulan 7 to ila, nyamai digaga tumu pia ko runding bala kami.  Pengawa staff nite kami sigi digaga ninting taun, udah nyadi annual event dalam calendar company...

Taun to Bollywood nite nyadi ka tema.....

Enti besebut ka begambar, sigi keran hati, naka ya meh berposing, enda iboh ka urang kiba kanan....ha ha ha..anang ngelepas ka peluang.....taun to posing ala-ala Helma Malini

Bulan 3 to tadi bisi udah ke kehel, sempat singgah di kedai india lalu sempat meli sepasang sari, alu meli sekeda accessories, nyesal enda meli mayoh kedung maya nya suba bisi sales....tang meh enda mukai-mukai tersalah potong tailor........pedis ati, lain fesyen ka dipadah ka kitai lain ga dijait tudah....last minit nasib bisi bala di kehel din nulong begiga ka sari baru....alu dianjung tudah ngena kurier, nya pan datai 2 hari agi sebelum event,......akai indai, kumbai kita nyamai belit sari....bersari-sari belajar ari you-tube cara belit sari.

Last minit nasib tudah tamang aku, Carol bini Charles engau kaban ya indu filipin datai ka utel endur event kami nulong aku begari....baka pengantin meh tudah aku digari seduai....sigi belit kain sari, siko masang accessories.....terima kasih ngagai seduai udah nyadi mak andam aku....

Kaban aku siko to siap ngagai butik / salon bersewa ka gari serta make over......enda baka Karisma Kapoor peda kita?

Sementara nganti bala staff datai, dulu begambar serta beposing ngau 2 iko komitee ka bukai, Godfrey ngau Charles.

To band sekula ari St Joseph, grup sida to deka ngau betanding ngagai kehel minggu siti nyin ila, nyadi sida to benong begiga ka fund kena belanja trip sida kin, nyadi ka last minit laban enda ulih ngiga Belly Dancer, manah agi kitai ngambi grup band perform pia ko runding bala kami, sambil kita enjoy sambil kitai bederma.

14 most outstanding attire, sambutan malam bollywood mendapat sambutan hangat ari bala kitai indu, laban ka udah nyukong tema to semua bala 14 iko nya diberi cash vourcher magang....ngambi ka nyemah ila enda jera.....bisi ka udah bebelanja beratus ringgit kena bebeli ka sari/gari serta make over.

Bisi keda sanggup ngagau ka artis ngukir jari.....ngelala kita jari sapa nya?.....he he he...munyi ko sempama laut....Hendak Seribu Daya, Tak Hendak Seribu Dalih.......Namaste!

Limpang enda lama.....

There is so much work in the office lately.....Each day with  different scenario....

Right now while waiting for a friend who wants me to accompany her for lunch, i spare a few minutes just to write down something.....i am wondering where are all my dearest frens.......since the year of 2012 approached....everyone kept silent......so kena ngubat ati lelengau ka bala kaban...mina gambar aja ka dipeda.......enda sinu kita??? ha ha ha ha ha

to meh bala kaban-kaban ka selalu ngau berforum, peda kita enda baka bulan mengambang magang-magang gamal sida?......how nice if every day we can look as good as this.......big smile, no worries, no stress.....

the photo shot session held last year was one of most memorable time spent with all my dear friends...each of us are busy working mum but we managed to fix a day to spent together....

opppppssss....enda ulih lama....udah colling kaban mai makai....mupuk dulu....okkkkk am cominggggg......

Nyau lelengau

Lama tudah aku enda tama blog...nyau lelengau asai....tengahari to udah tembu patah ka lengan engau pangan aku meda jam agi tumu...laban sari to ari 5 nyadi bepun gawa pukul 2....ngambi masa mimit jenguk blog sekejap....

rindu ati laban blog ka digaga aku tu ko jako suba kena rindu ati nulis utai ka nyadi dalam pengidup aku lalu dikunsi engau bala kaban-kaban aja....tang munyi ko aku tadi diato ukai mina kaban-kaban ka semak aja ka bisi jenguk blog to tang bala urang ka enda dikelala pan bisi tama....terima kasih ngagai sukong bala kita ka rindu maca blog to kelebih agi ngagai Apaiumbart, PenjuraiApaienduq engau bala bukai mega....

Amat sigi lelengau enti lama enda tama blog serta maca jerita bala kaban.....tang laban kelalu mayoh pengawa di upis, di rumah, di kebun........tusah ka ngiga maya bisi lantang....

Kedung udah berjerita, ka bekunsi pengawa aku minggu nyin kemari.....nyadi aku engau 3 iko pangan sama gawa udah dianjung kempeni kursus ke KK......

Ngelama to APS (administrative professional seminar) digaga di menoa kitai di Sarawak aja, tu meh terubah ya APS digaga di luar kawasan Sarawak.....excited ga mimit laban program 2 hari nya pack amai....kursus kama ba Grand Borneo lalu bala kami mega diau ba utel nya...lemai 17 kami bisi dinner lalu tema ya Egyptian nite

To bala kami 4 bejalai ba kapet merah nuju endur dinner....rindu ati malam nya laban semua ka ngau kursus ari pelbagai jabatan kerajaan spurting magang......kami 4 enda ga entu ngau urang bekena ka baju ejip laban ka nadai ari begiga......

Ari ke 2 udah tembu kursus dalam pukul 12, serta udah tembu makai tengahari, rombongan kami lalu mupuk ngagai Pulai Manukan.....ari enda entu manah sekumbang kami dedin...lemai ujan belama....maya kami ba Harbour View ka nepan bot ngai pulai pan ari ujan rintis-rintis....irau ati laban kitai indu enti kena ujan mimit alu renga udah nya......enti renga baka ni ka ngau aktiviti di pulai pia ko runding....

Nasib ga udah datai ba pulai ujan alu badu....tang kaban aku ka bertupi nya lalu bisa pala...datai da utel malam nya sebedau tindok dulu tudah aku gaus belakang tudah ngau butul minyak angat....merah jinang udah dikaus........

Terima kasih ngai bala bos ka udah nganjung bala kami berkursus, kena nambah ke ilmu pia ko jako....tang sigi amai....

Pengawa Urang Rumah Panjai

Rindu meda buah entekai to

Sari to bedau nurun gawa laban ka agi belelak udah penembu trening 2 minggu keudah....tumu pagi udah nganjung nunut sekula, kami 3 menyanak, papa nunut & pmau alu bebai ke kebun nganjung pemakai ka bala ka gawa motong getah di kampung......

Aku sigi baka selama enti datai di kebun sigi nadai pengawa bukai alu ngabas bala utai ka ditanam, musil cabi serta matah daun ubi.....rindu amai meda buah entekai ka ditanam bala ka gawa nyau bebesai...tang selama sida ka pulai bercuti...kebun nyau repa amai.....utai ka ditanam nyau enda dikelala laban kelalu repa....

Benong kisok berpusil ka leka cabi papa nunut nyau mai pulai laban jam nyau dah pukul 8, tudah tuai ka nurun gawa.....

Enti nitih ka ati, asai ka engai pulai ari kebun.....agi ingat kelia maya agi nembiak enda kala tinggal ngau niang ini ke kebun ngau kumai...maya nya suba ukai baka nembiak kemaya ari to...nadai utai meringang ati baka dunia ka diato...engai pan enda ngau nurun kumai......

Agi ingat kelia niang ini pukul 4 dini ari udah dani alu bepanduk ka asi, nyedia ka lauk kena bekal ke umai...sinu ngenang pengingat kelia...bejalai kaki ke umai, ukai nya dampeh.....

Taja diato dah diau serta gawa di negeri, cara pengidup di rumah panjai sigi tetap dikemeruan......Aku kelia kala gawa engau siko boss berasal ari menoa ribai....siti pesan tudah tuai sampai ka sari to agi dikingat ka aku..."carol, be proud of  your own tribe".....amai ko tudah tuai, anang malu ka asal usul kitai.....

60 RAJD

Mayoh urang enda nemu nama 60 RAJD, enti kitai nanya bala sida polis, trafic, askar, plaba ka aku bedau temu sida nemu nama utai ka di sebut 60 RAJD...nyadi ditu deka bekunsi mimit ngau bala kaban serta bala ka bisi tama blog ensera-kitai-indu to.

Nyadi lemai to tadi kami baru tembu trening ya ka dikumbai kami trening askar tau ka rejimental.  Trening to digaga 2 minggu aja dalam setaun. Taun to enti nitih ka plan asal sigi digaga ba Kuching tang endur trening udah kena bala khidmat negara. 

Seldadu di menua kitai Malaysia dibagi ngagai 3 kategori, seldadu darat (Tentera darat), seldadu air (Tentera Laut) lalu ngau seldadu langit (Tentera Udara),  60 RAJD labuh dalam kategori tentera darat..bah nama reti RAJD nya? auk RAJD nya singkatan untuk Rejimen Askar Jurutera DiRaja. ukai mina 60 aja bisi mega 40 RAJD, 50 RAJD & 70 RAJD...apo mayoh amai nya???

40 RAJD nya dianggotai sida ka gawa ba Pelabuhan/Port, 50 RAJD nya dianggotai sida ka gawa ba Keretapi Tanah Melayu (nyadi to mina bisi ba Semenanjung aja), 60 RAJD Pengendalian Air nya dianggotai sida ka ngawa ba Jabatan Air lalu 70 dianggotai sida ka gawa ba Tenaga Nasional/Sesco..kami ari 4 iti kategori to megai 2 iti ID, ID awam (IC ko kitai) lalu mega Bat C 20 (IC askar).....enti askar biasa sida mina bisi IC askar aja....nyadi kami to special mimit....

 Pagi ari kami ngambi attendance

Kati tau bisi minat masuk 60 RAJD pia ko bala kaban...dalam taun 2003 mina 4 iko aja kami indu ari sarawak ka terubah ya ngau regiment to, 4 ari sabah serta bisi 5 iko indu ari semenanjung...kami 11 iko to meh "pioneer" grup indu....minat datai secara semula jadi.....umur kira ka agi biak maya nya suba, ka nyepi nyadi askar pia ko jako.....

Mali bula, maya ka terubah ya ngau trening nya dikumbai urang Rekrut Training...nyadi kami trening rekrut din ba Taiping, Perak...pengelama? 15 hari.....ta naka ko jurulatih meh "ngereja" kami....tindok dalam sehari manah enti bisi datai 2 3 jam...kami diajar kawat kaki enda ngira jam, siang malam, tengah malam, jalan lasak serta ngema pasir , cara-cara beperang, nimbak ngau peluru idup, kelas malam, ujian,...apooo mayoh enda alah tusi abis......

Nama kebuah kami mesti bisi ngemuan penemu baka seldadu pia ko bala keda mut mut nyepi diri kena perinsa.....udah masuk kelas malam serta taklimat ari bala jurulatih...baru meh kami mereti....kitai patut beterima kasih laban menua kitai nadai kucar kucir baka mayoh menoa bukai.....sema enti menoa kitai diistiharkan darurat serta berperang...urang awam enda ulih pansut gawa....bah enti kitai urang awam enda ulih keluar maya darurat sapa ka nyaga stesen kuasa karan, loji air kitai? nyadi dito meh bala 70 & 60 RAJD main peranan...anang salah serta saru kita, enti kita meda ka ngena uniform seldadu ba sebelah pasar ka betugas maya bisi pengerami, baka bisi konsert.........ukai bala kami nya.....nya bala ari RELA tauka perkhidmatan awam.

Kawad kaki sigi enda tau tinggal dalam tiap trening....enda ngira tubuh mayoh ka mimit...sigi wajip

 

Dalam regiment kami baka siti keluarga besai, enti bisi rangsum, dibagi sama rata ngambi ka sama ampit magang...rangsum kering/tempur to diambi ari 20 Rejiment Askar Melayu Diraja (20 RAMD), anang enda ngasai ka utai empa bala seldadu...to meh utai ka dibai/diemba bala seldadu kitai maya sida bisi operasi dalam babas.....enti kitai berati...sinu ngenang..

Lemai 25 Mac, Lt Kol Ishak Bin Ripin, Penolong Pegawai Memerintah (2IC) kami bisi datai laban bisi pemakaian Pangkat 4 iko anggota kami....semua mesti serius dalam barisan......enti siko ngaga salah dalam barisan...smua siap.....mayoh meh teguran tudah tuai....dari segi pebarisan serta pakaian...

 

 Dalam 2 minggu trening, kami mega bisi organise aktiviti riaadah ngambi ka bala anggota enda entu stress.......sida 4 siko ka terlebih make over nya bala ti ka niki pangkat....kami dera abis-abisan...peda moa sida empat.....geli ati meda

Sebedau kami rasmi nutup trening dulu begambar bebala mayoh ngambi ka bisi nyadi pengigat...beterima kasih ngagai semua anggota 60 RAJD LAKU Miri laban udah meri kerjasama serta komintmen sida.........