Annual Dinner 2011

Last 15 December 2011 @ Thursday Nite was our annual dinner...ujung taun sigi mayoh amai event. 3 ari sebedau nya kami commitee dulu food tasting...sigi panjai singkang enti sebut ka makai...tambah mega endur makai nya bertaraf 5 Bintang...makai free pengka.....sigi engai tinggal.

Udah makai, sempat begambar ngau pun xmas.....

Begambar ba meja VVIP, kedong sida bedau datai....posing-posing dulu....

Look, who won the 1st prize lucky draw @ Samsung Galaxy Tab, kaban kitai Rose...untung amai tudah tuai....kulu kili mama nunut ngibai prisen nya engai ka taban ka orang....baka ka bejanji kami duai sama ngena gaun mehah....

Attend Maria & Donald's Wedding

Pengujung taun sigi mayoh pengawa bebelah pinang laban to maya cuti panjai....ari 6 kena 10hb December bedau lama, mama nunut bisi dah attend wedding anak menyadi Alice. Lantang ati pia ko Alice, ngengka ka anak kakak aku dah belaki bebini magang.

Lawa amai tema kalor malam nya....gold...favourite mama nunut...

Begambar ngau pengantin leboh seduai nyadong ai ngagai meja endur mama nunut..

Munyi ko pepatah laut "Macam Pinang Dibelah Dua".....

Ngulu ka sida shift malam makai

Kasih tudah sida ka gawa shift malam to…they miss all the fun and excitement staff nite kami last 29 Oct (our bikez nite)…

To meh bala sida ka ngawa malam.....


Ka pan enda jara, sigi udah tugas, enda ulih dikerari….enti sida enda gawa…bisi ari paip kitai di rumah enda berair…so we should feel thankful.

So separate occasion bisi di organised mai sida makai...laban enda ulih makai malam so sida dibai makai lunch....

Mama nunut engau bala komite bukai....

We also should thank those we work odd hours, baka sida lutor, misi, deejay TB, radio etc…imagin enti nadai orang ka gawa baka sida…what will happen….. ;)

Gempuru Makai ba Golf Club

Baka kampar nadai rumah!!!!!

Ngiga asai makai ba endur bukai...27 Nov to tadi, kami menyanak bisi udah cek in ba rumah kayu di kelab golf enda jauh ari rumah...penyauh kira 4km aja ari rumah....kedung ka 28 Nov cuti ari besai...ngiga asai bemalam semalam ba golf kelab ko jako...

Maya ka cek in, betemu engau indai Gani (lunad) baru udah tempu sembiang gempuru besai kitai iban...

So,udah cek in, relax ba bilik..kira ngalih ka lemai alu pulai dulu ke rumah berapi, mandok asi, ngureng sayur mimit....alu ditapau magang...

Petungal aku engau sida sebilik enda tinggal....capuh meh bala anak di bilik...rindu endar ati sida...nasib amai bilik besai alu bisi endur sida begagai.....

Ngengka ka utai ka dipakai...

Bala anak minta tapau ka KFC.....siap bebaik ka pinggai plestik.....

Pencuci mulut...buah sibau kupak celap (chilled rambutan)....

Photo Shooting Day

Kami bebaik begambar baka filem star / celebrities, yin bulan sembilan nyin kemari….kedong mama nunut bisi teleba enggau toukey studio endor begambar, nama dianti agi…mama nunut alu talipaun ngagai taukey neo studio nya alu blog 3 aribulan 12 kena bala kami begambar…

Nya pan nyau ka enda nyadi prugrim kami laban bisi keda madah agi suntuk, lalu bebaik nukar prugrim ngagai bulan 2 taun siti nyin ila, tang mama nunut madah udah ngaga appointment engau taukey neo studio, tambah mega takut ka rega make up engau hairdo taun baru niki….

Bisi kaban siko madah kediri enggai engau begambar, tang engka kepuas diumbuk bala bukai, nyau alah ga tudah tuai…..geli hati maca surat karan (email) tudah tuai ka datai tumu ba studio…..kati enda geli hati, appointment kami pukul 10pagi, tudah tuai ka datai pukul 7 pagi….balat ga kaget amai!!!!!!! Nemu kita sapa ko mama nunut nya????? Ha ha ha enda iboh meh madah ka kitai sapa….biarlah rahsiah munyi ko lagu Siti Nurhaliza.

Capuh meh studio endor bala kami…mayoh macam ulah…geli hati merati ka ulah pagan diri, macam-macam posing…bisi keda baru terubah ya begambar ba studio, agi kekok serta agi kering tubuh…taja mama nunut dah suah begambar ba studio, munyi ko jako nyau ka ninting taun begambar agi meh berasai malu, kati enda meda bala kaban sebelah nya nyau tucum serta beterising…progrim dijangka tembu pukul 2 tang nyau belanjutan datai da pukul 4 lemai…bisi keda bala ka lepi nadai makai ari pagi….

Suah amai bala anak mama nunut complain laban dinding penuh engau gambar indai sida…bisi meh keda frame ka enda digantung laban nadai endor (munyi ko taukey neo studio, u tak payah cat rumah, gantung u punya gambar saja, ko tudah tuai) laban bai ati ti keran begambar, jako bala anak enda dikiboh…taun to puas amai ati laban mama nunut request ka begambar engau bunga-bunga tercapai…..

So to aja sekeda gambar ka ulih diambi ngena kameha mama nunut.

Ha ha ha asai-asai ka filem star nya meh....

Tu meh bala kami kedak, bisi agi 4 iko benong didandan oleh make up artis...enda sempat ngau kami berposing...

Makai Tengahari Engau DYTM Raja Nazrin

14 – 16hb November to tadi, aku enggau 4 iko kaban bukai bisi dah datai di KL. Nama tunga pejalai? Munyi ke bula meh nusi ka bala.....kami dibai makai tengahari begulai engau DYTM Raja Nazrin serta bini ya DYTM Tuanku Zara Salim ba Concorde Hotel, Shah Alam.

3 October sarinya aku bisi nerima sms/nutis ari kepala kami ari Kch, ngasoh aku ngiga raban indu 5 iko...munyi ko nutis ka diterima, kami ari 60 Rejimen menoa Sarawak diberi peduduk 10 iti aja...4 penuduk dah diambi bala lelaki ari Kch, 1 penuduk diambi bala lelaki ari Mukah...tinggal 5 penuduk indu bedau diisi....nya kebuah kepala kami nya ngasoh aku begiga ka bala indu ”first come, first serve” pia ko.....nama agi...dulu meh tudah aku nepo nama diri empu sebedau aku nanya bala ka bukai.....peluang datai sekali u!...lapa engai...terebai free...endur diau free....dini ngiga????

Mama nunut duduk ba meja no. 15 begulai engau bala indu ari semenanjung alu siko indu ari kuching.


Bala ibu ibu bintis bisi meh minta bai.....minta ampun meh ngagai bala kita...ukai engai mai tang bala ibu ibu bintis nadai ”pass”.....kasih ninga bala ibu ibu bintis ka meda Raja Nazrin live......

Udah makai kami nadai ngelepas ka peluang besalam engau DYTM Tuanku Zara

Pengawa makai tengahari engau Raya Nazrin engau bisi ya Zara Salim tok digaga beserimbai engau pengawa nutup Khemah Latihan kami taun 2011. Setiap tahun Rejimen Pakar ; 40 Rejimen (Pelabuhan), 50 Rejimen (Keretapi), 60 Rejimen (Air) & 70 Rejimen (Sesco/TNB) bisi training. Kami training dalam setahun 2 minggu aja...kira ka 2 minggu aja meh kami bekena ka uniform tentera....berkawat...menembak (kena peluru idup)....macam meh...baka tentera ya meh kami.

Makai Gempuru

Lama enda makai ngempuru…minggu to kedung apak bisi, petungal aku pan nadai mindah traveling…..tambah mega laban ka makai selamat nunut udah nyambut…kami bebaik makai ngempuru…kira ka makai selamat meh…

Enti ngempuru sigi nadai pengawa bukai…sigi bebaik makai steamboat laban nyamai ulih nepuk kediri utai kedeka hati….tepu dalam kuah steamboat…anti 2 3 minit alu tau diempa….

Petungal aku to enti sebut ka makai ngempuru…sigi mayoh utai dibai tudah tuai…lemai nya sidak menyanak bisi maik babi pangang, itik pangang, ikan taai engau undang meli tudah tuai di limbang, mayoh meh utai bukai….tudah apak laban ka gawa di ladang bisi mai ikan keli…alu panduk mak dalam periuk tanah…asai ka baka panduk dalam ruas....

Tang mayoh-mayoh laut dia…lauk siti to aja ka dulu abis…….udah ga manis, fresh ga agi…...kantuk entekai ngau buah entekai muda…..gureng bawang ngau pusu aja…..uhhhh sedap

Ruti Kudus Terubah

Jeanette @ nunut ngena gaun putih ngau tudung putih (Design mama nunut empu)

Puji Tuhan….Jeanette @ nunut udah nerima Tubuh Kristus / Ruti Kudus ka terubah kena ari minggu to tadi ba St Joseph Catheral……

Seduai ya Jacqueline @ pmau ngau belajar sekula minggu bepun bulan 3 taun to tadi…Bersyukur ngagai Tuhan laban enda datai setaun nunut belajar, pass peresa minggu alu tau ngau nyambut ruti kudus dalam taun to…..

Tinggal siko da agi anak bedau nyambut, Jacqueline @ pmau….enda ngawa ko kami ga…awak ka lama agi tudah tuai belajar….bedau entu ngangkap ka utai ka diajar cigu……ngaga tanda regang pan bedau betul…..

Mayoh alai endur begiga ka baju gaun putih nunut…irau ga hati..dini endur ngiga agi…boulevard, pakson, kedai nyual baju nembiak nadai ga saiz…nasib amai kolik aku siko bisi introduce bala ya ka nemu bejait…..nyau ga kami duai kolik aku nya bebeli ka kain, kain net kena ka tudung, manik kena aku ngelawa ka rekong baju…banga….design baju ngau net nya idea kediri magang…mina tulang to malas ka bejait……

Sidak nunut begambar bebala mayoh ba moa gereja sebedau tama ke dalam ngau sembiang misa serta alu nyambut Ruti Kudus ka terubah...mayoh bala sidak..indu & lelaki dalam seratus lebih penyambau...

Sekali agi aku meri besai terima kasih ngagai Tuhan laban Kuasa serta Berkat ya anak aku Jeanette ulih nerima Tubuh Kristus.

Setamang

Pagi tok tadi pulai ngirup enggau bala kaban, dinga aku kaban aku siko nyebut tahniah ngagai aku…nama hal pia ko aku? Lawa nuan carol, pia ko ya…nama utai lawa-lawa ko aku…..lawa meh ko ya…kati enda nama pansut dalam suratkhabar…..tekenyit…kati enda!!!! Anang meh nama aku pansut dalam bankrupt list…..ehhh enda patut…

Enda puas hati...udah lunch to tadi...ngambi newspaper alu ngiga ka mukasurat ka bisi nama aku nya....ha ha ha amai neh.....ta sebiji amai-amai nama aku bisi dia......patut bala di opis bisi bersebut....mati-mati aku madah ukai aku...siko enda meh pecaya......

Sapa kita ka embu nama nya......setamang meh tua.....ukai pelanduk aja dua serupa...nama pan bisi sebaka.....abis lengis, siti alphabet pan nadai kurang .....ha ha ha mina jurusan tua aja enda sebaka.......

"Caroline Soup Turen"

Kedung dah becerita.....kaban aku siko bisi nganjug surat karan beserta engau gambar soup turen ka baru diudar ya.....bajik amai......soup turen ya nya pan setamang engau aku........Caroline Soup Turen......wah wah glamur neh......

Bikez Nite

Bisi seminggu lebih nadai jenguk blug…..mayoh amai pengawa....ati lelengau ka jenguk blug bala kaban tang enda ulih limpang.....

Minggu nyin kemari taja enda ngundang kebun....tang ari 6 kena 22 ari bulan bisi rehearsal di Gereja....nunut aku pass sekula minggu....ulih nyambut ruti kudus.....acara nerima ruti kudus keterubah kena 6 ari bulan sebelas to ila....sibuk begiga ka gaun putih, tudung putih, kasut putih......tunga ka lemai ari 6 nya...bisi bala datai sembiang Rosari di rumah.....mama nunut beterima kasih ngagai bala ka datai sembiang di rumah mama nunut....enda kala engai bala sidak enti mama nunut ngagau ka sidak bersembiang.....

Habsah, Godfrey, Mama Nunut & Charles - The Committee

Auk pengawa siti ka ngasoh sibuk....staff nite taun 2011....Bikez nite ...ka rock ko jak......nya kebuah enda ulih limpang...endur ngau live band dah lama di buking.....tang kiruh begiga ka hadiah lucky draw ngau hadiah bukai kena malam nya.....laban kami sebuat (komite) bisi kejutan ko jako....begiga ka motosikal mit kena kami 4 iko komite ngaga gimik di atas pentas....nyau nga kiruh begiga ba baju...seluar...kasut but...accessories ka bukai.....

Ulah kami empat di atas stage....alah nembiak.....

Kaban aku to, enda nyangka ulih datai laban laki tudah tuai benong enda dapat diato...tang gaga ati meda tudah tuai ulih datai.....dini bisi mama nunut gerenti bisi tudah tuai....

Sempat begambar ngau bala bodyguard....bodyguard nyaga stage engai ka motor kami ditaban ka orang...he he he

Enda nyangka Miri Bikez Association volunteer ngundan kami ari main building ngagai endur function kami....excited amai kami nepan big bike alu dipasang ka bunyi siren sepanjai pejalai kami ngagai endur function.....asai ka VVIP.... he he he

Maya masuk ka gari...geli hati meda gamal diri empu...ukai nama...ngenang anak udah dara.....tang ulah agi baka nembiak....“pasuk ka dia meh, ni accessories nuan ka rock-rock kena magang“...pia ko papa nunut...apa lagi dah bisi greeen light........begaya naka ulih meh.......

Ngundang Kebun Baru

Minggu nyin kemari bisi ke kebun tang enda mukai-mukai ari lebat amai ujan...ka musil cabi pan terbengkalai......

Minggu to tadi bisi ngundang kebun baru tambah mega apak bisi pulai....udah ngambi nunut & pmau pulai sekula minggu pukul 12 tengahari....emak engau kami menyanak alu nitih ka apak seduai papa nunut ka kebun....apa engau papa nunut tumu laban ka mancit.....

Datai di kebun kami alu makai dulu...bisi mai tapau.....mak ngasoh mandok sup cangkuk terejun tang tulang malas amai....makai aja nama utai ka ditapau...

Udah makai alu musil cabi kami duai mak......sayau meda cabil...dah kelalu mansau....mayoh amai rarah.....

Aku dah minta terung iban ba ika tadi pia ko papa nunut....kebun petungal aku din...diujung kebun kami.....udah cabi abis dipusil...aku alu mai nunut & pmau jenguk kebun petungal aku nya.........petungal aku suba kerja ka laut (offshore), sekumbang dah bisi baby Kelick (penama anak ya), ya nyau engai nurun ke tasik agi....enda betah anak ya .....kiruh kak ke tasik ko kami nundi ya....sawit bisi, getah bisi, lada bisi, umai bisi.....lebih ari gaji ke laut...ko kami nundi ya...

Rindu amai meda kebun petungal aku to...macam utai ditanam seduai bini ya....cukup rajin ga bini petungal aku to.......sigi aruh dipuji....aku sempat ngambar utai ka ditanam seduai di kebun....to baru dimoa kebun...bedau agi tama ke dalam kin....

Babi Filipin

Sedap!!!!! 2 3 bulan enti enda makai babi sumai filipin sigi tetenguk...........sapa enda kala makai babi sumai filipin sigi rugi.....ari 6 to tadi apak bisi pulai ari tatau....enda nyangka ya bisi pulai laban ya nadai telepun madah ka diri pulai.....nyau lemai baru ya telepun ngagai nunut madah ka diri dah datai.....ninga apak bisi pulai papa nunut alu mai makai di kedai....nama pan agi...gaga meh, laban enda kiruh berapi di rumah.....enda nemu ngelusu amai tukang berapi.......

Kami sebilik enti diidang ka sepingai besai babi filipin sigi licin......ngelama to enda tetemu ka kedai cina ka bisi nyumai babi filipin......semadi bisi kaban ka introduce....udah nemu endur kedai nya meh kak kia belama......menyadi papa nunut & laki ya ka di bintulu din cukup ka meh makai babi filipin...enti kami menyanak bisi nemuai ngagai bintulu sigi dibai makai babi filipin belama..

Nama nya kumbai orang babi filipin?????? Cina dito madah cara sidak nyumai babi nya nitih ka resipi & style orang filipin din......sapa ti udah ka filipin nemu utai nya amai ka enda....bula sidak nya.....he he he nama kebuah aku munyi nya.....ya kati enda aku madah cina dito bula....aku udah meda engau moa mata diri empu baka ni orang filipin nyumai babi filipin maya aku din bedau lama......

Di filipin din babi ukai disumai....tang dipanggang siko-iko...resipi kitai ba menoa to jauh lain ari cara sidak di filipin din...dito kaki babi direbus....udahnya digoreng (deep fried).....jauh amai perbezaan....enti kitai berati...babi filipin dito kelalu berlemak....

Kedai makai baboy panggang di filipin

Maya di filipin sarinya...kami bisi dibai guide kami ngagai endur makai babi filipin....kita ka makai babi ko guide kami nyanya.....KA KA ko kami nyaut.....endur nya sigi tempat sidak magang & endur orang makai....sederet-deret kedai dia, sigi babi panggang magang menu utama....nya baru baboy filipin ka ori.

Kaban aku siko to, Mary penama ya…sigi baka mamarazi tudah tuai....sigi ngambi peluang amai ya begambar.....ngelama to bisi meda endur to pansut ba AFC di astro ko ya...enda nyangka datai dito pia ko tudah tuai.....siko baboy panggang dalam RM400 – RM500

Enti nitih ka ati ka tapau bai pulai........

Shocking

Yesterday at 12.30pm I was having lunch with my close fren, Raidah....kami duai sigi kin kia sama...benong makai talipaun Raidah bebunyi 2 3 kali...tang enda diangkat ya...bai kami duai ka sibok becerita...

Nama anak aku to enda ngetu talipon, pia ko ya...nyau kepuah...dial ya ngagai anak ya...enda mukai-mukai tudah tuai alu angkat ari kerusi alu ngau sabak-sabak...aku ka benong makai nyau bengap-bengap....pulai aku ko ya.....nama hal pia ko aku...ya majak nyabak....pulai aku pia ko ya baru...asan...asan ko ya...enda meh aku mereti utai ko ya..

Meda ya nyabak..aku sigi nadai runding bukai..tentu bisi penusah!!! asan luput ko ya nyaut, ya alu belawa ninggal ka aku agi bengap-bengap....

Sambil aku nembu ka asi....dalam ati aku berunding...kati aku tau makai sedangkan kaban aku dalam penusah...engka nya bai aku panik!!!! enda abis pakai asi aku..aku alu niki ka upis alu madah ka bala di upis...enda nyamai asai ati..kami 2 kawan aku nya alu kol ngagai Raidah...enda ulih bejako aku pia ko ya, aku benong deriba..Hasan luput di rumah...ko ya.

Dalam pukul 3 lebih bakanya..Habsah kawan aku siko asoh aku kol ngagai Raidah...ya madah ka Hasan laki ya ba emergency unit di spital besai...dutor madah laki ya bisi masalah jantung...ngau sabak-sabak ya nyaut talipaun nya...

Pukul 5 sebedau pulai ari upis Adriana kaban aku siko agi kol ngagai Raidah...tekenyit magang kami ninga Hasan masuk ICU......ngelama ka begulai engau Raidah, enda kala ninga ya betusi ka laki ya sakit....

Malam udah makai aku alu enda pansut ari bilik...engau ai mata aku besampi ngagai Jesus ngambi ka YA meri pengering ngagai Raidah awak ka ya tabah....aku mega besampi ngambi ka laki ya Hassan jampat gerai.....

Jesus Himself said we are to ask, seek, and knock at the door for what we need in prayer (Matt. 7:7; Luke 11:9)...aku nemu Jesus bisi mending ka sampi aku...tengahari to tadi kami bisi ka spital....Hassan dah beransur manah taja pan pia ya agi ditan ba ICU...dah ulih makai bubur....lantang ati aku ninga...Terima kasih Jesus.

Ngabas Kebun

Ari minggu to tadi kami 3, mak, papa nunut and mama nunut bisi bebai ngabas kebun...dah 3 minggu berturut-turut enda ke kebun...minggu nyin kemari apak bisi pulai ari tatau...bisi mai ke kebun tang meh papa nunut enda dapat....

Dah ngambi mak di rumah ya, kami tiga alu mupuk..nya pan nyau laun kami 3 mupuk..laban pagi beranjung ka nunut seduai pmau sekula minggu...

Kami 3 dulu limpang ngagai kebun kami di Mutap...ka meresa entekai tanam mak...datai di mutap..mak alu besiang pun entekai...aku diasoh ya meri baja....uhhhh taun nyin kemari...mayoh buah entekai kami...dah beri ka bala...bisi ga dijual mak...nadai enda orang muji entekai kami manis...(kada enda igi entekai kami bai wai Puteri ngai California kin neh...pia ko runding mama nunut)...he he he

Baru tumbuh pun entekai...

Benong matah cangkuk, enda mukai-mukai ujan lebat amai...alu enda abis patah tudah cangkuk...patah embih pia ko mak...lagi nganjung ngagai yak nuan..wak ka ya nyual...nyampau meh, ujan naka pemalat...ni alah patah embih...

Udah nebu cangkuk ke dalam kreta, kami 3 alu mupuk ngagai kebun sigi da kumbai kami Bukit...ari kebun kami di Mutap ngagai kebun di Bukit bisi dalam 15 - 20 minit...

Datai di Bukit meda cabi lebat amai, tang enda ulih pusil, laban ari ujan...pia ko petua orang tuai..enti ari ujan anang musil buah cabi engai ka cabi buruk...ingat nya kita ka nembiak....

O ujang, tebang pisang nya lagi pia ko mak rauh-rauh ngasoh papa nunut...papa nunut agi segau-segau sebelah kebun...dinga aku ya mucau kediri....jampat amai rumput tumbuh, bedau datai sebulan rumput diseperai ko ya, minggu nyin ila kito baru kitai...

Nah nya ya papa nunut udah nebang pisang...

Ingin ati ka musil buah cabi...enti emak enda meda pusil curi-curi...tang ninga tudah tuai berat-rat mesan enda ngasoh musil...peda aja meh...ngumba ga ari engai enda ujan....minggu siti nyin ila enti datai kada neda abis cabi nya ila...emba burung serta rarah

Peda kita tebu tanam mama nunut...anang nanam tebu dia, repak lagi pia ko apak suba...tang mama nunut degil, alu diujak ka 3 pun tebu...peda diato galak amai tebu mama nunut..

Enti udah di kebun...asai ka engai pulai......